2026 ഒക്ടോബർ 14 ബുധൻ
ചെന്നൈ ∙ ടിവികെയിൽ ചേരാൻ 6 അണ്ണാഡിഎംകെ എംഎൽഎമാർ രാജിവച്ചത് അംഗീകരിച്ച തമിഴ്നാട് സ്പീക്കറുടെ നടപടിക്കു മദ്രാസ് ഹൈക്കോടതിയുടെ അംഗീകാരം. എംഎൽഎമാരെ അയോഗ്യരാക്കണമെന്ന പരാതിയിൽ 2 മാസത്തിനുള്ളിൽ തീരുമാനമെടുക്കണമെന്നും നിർദേശം നൽകി. രാജിയുടെ കാരണം അന്വേഷിക്കാൻ സ്പീക്കർക്കു ബാധ്യതയില്ലെന്നു കോടതി വ്യക്തമാക്കി. രാജിവച്ച എംഎൽഎമാരിൽ രണ്ടു പേർ ഉപതിരഞ്ഞെടുപ്പിൽ ടിവികെ സ്ഥാനാർഥികളായി മത്സരിച്ചു വിജയിച്ചിരുന്നു. അവശേഷിച്ച നാലു മണ്ഡലങ്ങളിൽ തിരഞ്ഞെടുപ്പ് നടത്തുന്നതു കോടതി പരിഗണനയിലാണ്.