കൊച്ചി: സംസ്ഥാനത്ത് സ്വര്ണ വിലയില് ഇടിവ്. പവന് 560 രൂപയാണ് കുറഞ്ഞത്. 93,760 രൂപയാണ് ഒരു പവന് സ്വര്ണത്തിന്റെ ഇന്നത്തെ വില. ഗ്രാമിന് ആനുപാതികമായി 70 രൂപയാണ് കുറഞ്ഞത്. 11,720 രൂപയാണ് ഒരു ഗ്രാം സ്വര്ണത്തിന്റെ വില.
ഒരിടവേളയ്ക്ക് ശേഷം സ്വര്ണവിലയില് വന് കുതിപ്പുണ്ടാകുമെന്ന പ്രതീക്ഷയാണ് ഇന്നലെ വിപണിയില് കണ്ടത്. ഇന്നലെ രാവിലെ പവന് 1680 രൂപ വര്ധിച്ച് വില 93,720 എത്തി. വൈകുന്നേരത്തോടെ ഇത് 94,320 എത്തി 95,000 കടക്കുമെന്ന സൂചന നല്കിയെങ്കിലും ഇന്ന് വില തിരിച്ചിറങ്ങുകയായിരുന്നു.
ഈ മാസത്തിന്റെ തുടക്കത്തില് 90,200 രൂപയായിരുന്നു സ്വര്ണവില. അഞ്ചിന് 89,080 രൂപയായി താഴ്ന്നു. പിന്നീട് 89,000നും 90,000നും ഇടയില് ചാഞ്ചാടി നില്ക്കുകയായിരുന്നു സ്വര്ണവില. ഒക്ടോബര് 17ന് രേഖപ്പെടുത്തിയ 97,360 രൂപയാണ് സര്വകാല റെക്കോര്ഡ്.
ദിവസങ്ങള് നീണ്ട അനിശ്ചിതത്വങ്ങള്ക്ക് ഒടുവില് അമേരിക്കയില് ഷട്ട്ഡൗണ് അവസാനിച്ചത് അടക്കമുള്ള ഘടകങ്ങളാണ് സ്വര്ണവില കുതിച്ചുയരാന് കാരണം. അന്താരാഷ്ട്ര വിപണിയില് സ്വര്ണവിലയിലെ ചലനങ്ങളാണ് ഇന്ത്യന് വിപണിയില് പ്രതിഫലിക്കുന്നത്