ബത്തേരി : രേഷ്മയുടെ ആത്മഹത്യക്ക് പിന്നിൽ ബത്തേരിയിലെ സഹോദരങ്ങൾ അടങ്ങുന്ന ക്വട്ടേഷൻ ബ്ലേഡ് മാഫിയ സംഘമാണെന്ന് പുറത്ത് വന്ന സ്ഥിതിക്ക് കുറ്റക്കാരായവർക്കെതിരെ കൊലക്കുറ്റത്തിന് കേസ്സെടുക്കണമെന്ന് ബി.ജെ.പി.
ബ്ലേഡ് മാഫിയ നടത്തിയ നിരന്തരം പീഡനങ്ങൾ പലതവണ പോലീസിൽ രേഖാമൂലം അറിയിച്ചിട്ടും നിസ്സാരവൽക്കരിച്ച പോലീസ് ഉദ്യോഗസ്ഥരുടെ പങ്കും പുറത്ത് വരേണ്ടതുണ്ട്. ഇത്തരത്തിലുള്ള ക്രിമിനൽ സംഘത്തിന് വളരാൻ സഹായിക്കുന്ന പോലീസ് ഉദ്യോഗസ്ഥരെക്കുറിച്ച് അന്വേഷിക്കാൻ വയനാട് പോലീസ് മേധാവി തയ്യാറാകണമെന്നും ബി.ജെ.പി നേതാക്കൾ രേഷ്മയുടെ വീട് സന്ദർശിച്ച ശേഷം പറഞ്ഞു.
ജില്ലാ പ്രസിഡണ്ട് പ്രശാന്ത് മലവയൽ, സംസ്ഥാന കൗൺസിൽ അംഗം വി.മോഹനൻ, ബത്തേരി മണ്ഡലം ജനറൽ സെക്രട്ടറിമാരായ പി.ആർ ലക്ഷ്മണൻ, എം.പി ദിനേശ് കുമാർ, പഞ്ചായത്ത് കമ്മിറ്റി ഭാരവാഹി ശശികുമാർ എന്നിവർ രേഷ്മയുടെ വീട് സന്ദർശിച്ചു