ഡല്‍ഹി: മുഖ്യ തിരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിന്റെ രാജി ആവശ്യപ്പെട്ട് ഇന്ത്യ സഖ്യം ഇന്നും പ്രതിഷേധിക്കാന്‍ സാധ്യത. ഇന്ത്യ സഖ്യ എംപിമാരെയും, വിദ്യാര്‍ത്ഥി സംഘടനാ നേതാക്കളെയും, പൗരസമൂഹ പ്രതിനിധികളെയും ചായസല്‍ക്കാരത്തിന് രാഹുല്‍ ഗാന്ധി ക്ഷണിച്ചു. വൈകീട്ട് 4 മണിക്ക് രാഹുല്‍ ഗാന്ധിയുടെ വസതിയിലാണ് ചായസല്‍ക്കാരം.
ചായസല്‍ക്കാരത്തിന് ശേഷം ഇന്ത്യ സഖ്യത്തിന്റെ സംയുക്ത വാര്‍ത്താസമ്മേളനം ഉണ്ടായേക്കും. നിലവിലെ സമരം അതേപടി നിലനിര്‍ത്തണം എന്നാണ് പല നേതാക്കളുടെയും നിലപാട്. കോണ്‍ഗ്രസ് പ്രക്ഷോഭത്തില്‍ പങ്കെടുക്കാന്‍ രമേശ് ചെന്നിത്തല അടക്കം കേരളത്തിലെ മന്ത്രിമാരും ഇന്ന് മുതല്‍ ഡല്‍ഹയില്‍ എത്തും.
അതേസമയം തിരഞ്ഞെടുപ്പ് കമ്മീഷണര്‍ക്കെതിരായ ഇന്ത്യ സഖ്യത്തിന്റെ ഹര്‍ജി സുപ്രീംകോടതി ഇന്ന് പരിഗണിച്ചേക്കും. തിരഞ്ഞെടുപ്പ് കമ്മീഷണര്‍ക്കെതിരെ ഇന്ത്യ സഖ്യം സമര്‍പ്പിച്ച ഹര്‍ജിയില്‍ പിഴവുകളെന്നാണ് സുപ്രിംകോടതിയുടെ വിലയിരുത്തല്‍. 14 പിഴവുകള്‍ ഉണ്ടെന്ന് സുപ്രീംകോടതി റജിസ്ട്രി അറിയിച്ചു. പിഴവുകള്‍ പരിഹരിച്ച ശേഷമായിരിക്കും ഹര്‍ജി ലിസ്റ്റ് ചെയ്യുക.