പുൽപ്പള്ളി : മുള്ളൻകൊല്ലി പഞ്ചായത്തിലെ പെരിക്കല്ലൂർ (33) ടൗണിലെ സെൻ്റ് തോമസ് കൂൾബാറിലേക്കാണ് ഭാരത് ഗ്യാസ് വണ്ടി ഇടിച്ചു കയറിയത്. ബിൽഡിങ്ങിന്റെ ഇളംതിണ്ണയുടെ സൈഡിൽ നിർത്തിയിട്ടിരുന്ന സ്കൂട്ടറും, കെട്ടിടത്തിന്റെ ഒരു വശവും തകർത്താണ് ടെമ്പോവാൻ നിന്നത്. ഈ സമയത്ത് ആളുകൾ വഴിയിലും, സ്ഥലത്തും ഇല്ലായിരുന്നത് വൻ അപകടം ഒഴിവാക്കി. കയറ്റത്തിൽ വണ്ടി നിർത്തി ഡ്രൈവർ ഇറങ്ങിപ്പോയ ശേഷം വാഹനം തനിയെ ഉരുണ്ടുവന്നാണ് അപകടമുണ്ടായത്. വാഹനം നിർത്തിയിട്ടതിൽ ഉണ്ടായ പാകപ്പിഴവാണ് അപകടത്തിന് കാരണമെന്ന് കരുതുന്നു.