നീറ്റ് -യുജി പുനഃപരീക്ഷയ്ക്ക് എതിരെ സുപ്രീംകോടതിയില് പൊതുതാല്പര്യ ഹര്ജി. 22 ലക്ഷം വിദ്യാര്ഥികള്ക്ക് വീണ്ടും പരീക്ഷ നടത്താനുള്ള തീരുമാനം ഏകപക്ഷീയമെന്നാണ് ഹര്ജിയിലെ വാദം. ഹര്ജി നാളെ പരിഗണിക്കും. ചീഫ് ജസ്റ്റിസ് സൂര്യകാന്ത് അധ്യക്ഷനായ ബെഞ്ചാണ് കേസ് പരിഗണിക്കുക.
പരീക്ഷയ്ക്ക് മുന്പ് ആര്ക്കും ചോദ്യപേപ്പര് ലഭ്യമല്ലെന്ന് എന്ടിഎ വ്യക്തമാക്കി. ചോദ്യപേപ്പര് നല്കാം എന്ന വാഗ്ദാനമോ, വ്യാജ വെബ്സൈറ്റോ ശ്രദ്ധയില്പ്പെട്ടാല് അറിയിക്കണമെന്നും എന്ടിഎ ആവശ്യപ്പെട്ടിട്ടുണ്ട്.
അതേസമയം, പുനഃപരീക്ഷ നീട്ടി വയ്ക്കണമെന്നാവശ്യപ്പെട്ട് വിദ്യാഭ്യാസ മന്ത്രാലയത്തിനും എന്ടിഎയ്ക്കും വിദ്യാര്ഥികള് നിവേദനം നല്കി. ഒരു മാസത്തേക്ക് പരീക്ഷ നീട്ടി വയ്ക്കണമെന്നാണ് ആവശ്യം. 1467 വിദ്യാര്ഥികള്ളാണ് ആവശ്യവുമായി രംഗത്തെത്തിയത്. പരീക്ഷ റദ്ദാക്കാനും വീണ്ടും നടത്താനും ഉണ്ടായ സാഹചര്യങ്ങള്ക്ക് വിദ്യാര്ഥികള് ഉത്തരവാദികളല്ലെന്നും ചുരുങ്ങിയ സമയത്തിനുള്ളില് പരീക്ഷ നടത്താനുള്ള തീരുമാനം മാനസിക സമ്മര്ദ്ദം ഉണ്ടാക്കുന്നതാണെന്നും വിദ്യാര്ഥികള് പറയുന്നു. പ്രയാസമേറിയ പരീക്ഷകളില് ഒന്നാണ് നീറ്റ്. മാസങ്ങളോളം വിപുലമായ തയ്യാറെടുപ്പ് ആവശ്യമാണെന്നും വിദ്യാര്ഥികള് വ്യക്തമാക്കി.