ദേശീയ സമ്പാദ്യ പദ്ധതിയുടെ ആഭിമുഖ്യത്തില് എം.പി.കെ.ബി.വൈ ഏജന്റുമാരുടെ ജില്ലാ സംഗമം സംഘടിപ്പിച്ചു. 2024-25 സാമ്പത്തിക വര്ഷത്തില് ആവര്ത്തന നിക്ഷേപ സമാഹരണത്തില് മികച്ച പ്രകടനം കൈവരിച്ച ബ്ലോക്ക് ഡെവലപ്മെന്റ് ഓഫീസുകളിലെ എം.പി.കെ.ബി.വൈ ഏജന്റ്മാരെ അനുമോദിച്ചു. സ്റ്റുഡന്റ്സ് സേവിങ്സ് സ്കീം നടത്തിപ്പില് ജില്ലയില് ഒന്നാം സ്ഥാനം നേടിയ ദ്വാരക എ.യു.പി സ്കൂളിന് അവാര്ഡ് നല്കി. വിവിധ പോസ്റ്റല് സേവിങ്സ് പദ്ധതികളെ കുറിച്ച് പരിപാടിയില് ക്ലാസ്സ് നല്കി. കളക്ടറേറ്റ് കോണ്ഫറന്സ് ഹാളില് സംഘടിപ്പിച്ച ജില്ലാതല സംഗമം കോഴിക്കോട് പോസ്റ്റല് ഡിവിഷന് സീനിയര് സൂപ്രണ്ട് വി.ശാരദ ഉദ്ഘാടനം ചെയ്തു. ധനകാര്യ ദേശീയ സമ്പാദ്യ പദ്ധതി ജില്ലാ അസിസ്റ്റന്റ് ഡയറക്ടര് അഖില് ജോണ് അധ്യക്ഷനായ യോഗത്തില് പോസ്റ്റ് മാസ്റ്റര് പി.പി ബാബു, മാനന്തവാടി, സുല്ത്താന് ബത്തേരി, കല്പ്പറ്റ ബ്ലോക്കുകളിലെ ജനറല് എക്സ്റ്റന്ഷന് ഓഫീസര്മാരായ രോഷ്ണി, നിഷ, പ്രീത, എം.പി.കെ.ബി.വൈ ഹെഡ് ക്വാര്ട്ടേഴ്സ് കണ്വീനറായ എം.അസ്മ, എല്സി ജോര്ജ്ജ് എന്നിവര് സ,ംസാരിച്ചു.