മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി അട്ടിമറിക്കാനുള്ള നീക്കത്തിനെതിരെ ഐഎൻടിയുസി പ്രതിഷേധം

കൽപ്പറ്റ: മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ പേരു മാറ്റി സംഘപരിവാർ നേതാക്കളുടെ പേരിൽ പദ്ധതി നടപ്പിലാക്കാനുള്ള കേന്ദ്ര സർക്കാർ നടപടിയിൽ പ്രതിഷേധിച്ചു കൊണ്ട് ഐഎൻടിയുസി സംസ്ഥാന കമ്മിറ്റിയുടെ ആഹ്വാനപ്രകാരം കേരളത്തിലെ 140 നിയോജകമണ്ഡലങ്ങളിലും ഐഎൻടിയുസി നടത്തുന്ന പ്രതിഷേധങ്ങളുടെ ഭാഗമായി ഐഎൻടിയൂസി
കൽപ്പറ്റ റീജണൽ കമ്മിറ്റിയുടെ നേതൃത്വത്തിൽ കൽപ്പറ്റ ടൗണിൽ പന്തം കൊളുത്തി പ്രതിഷേധ പ്രകടനവും പ്രതിഷേധയോഗവും സംഘടിപ്പിച്ചു.ഐ എൻ ടി യൂ സി ജില്ലാ പ്രസിഡന്റ് പി പി ആലി പ്രതിഷേധയോഗം ഉദ്ഘാടനം ചെയ്തു. ഐ എൻ ടി യൂ സി കൽപ്പറ്റ റീജിയണൽ പ്രസിഡന്റ് കെ കെ രാജേന്ദ്രൻ അധ്യക്ഷത വഹിച്ചു. ബി സുരേഷ് ബാബു, ഗിരീഷ് കൽപ്പറ്റ,മോഹൻദാസ് കോട്ടക്കൊല്ലി,കെ അജിത,പി കെ മുരളി,ഹർഷൽ കോന്നാടൻ,ജോൺ മാതാ,നൂറീസ് എം,ടി എ മുഹമ്മദ്,മുഹമ്മദ് ഫെബിൻ,സി കെ നിഷ,പി ആർ ബിന്ദു,വിഷ്ണു മേപ്പാടി,പി കെ സുബൈർ,വയനാട് സക്കറിയാസ് തുടങ്ങിയവർ സംസാരിച്ചു